“Ar y llaw arall, mae rhywfaint o’r hyn sy’n cael ei adrodd yn hollol gywir. Ydym, rydym yn derbyn myfyrwyr sydd â phwyntiau UCAS cymharol isel, ac yn wir, rhai nad oes ganddyn nhw ddim pwyntiau o gwbl, sero, nada. Rydym yn gwneud hyn oherwydd yn Aberystwyth rydym yn croesawu pobl o bob cefndir sy’n profi eu bod yn gallu llwyddo yn eu dewis gwrs.”
Wrth i’ch Brenhines doeth deithio o un rhan o Ei Theyrnas Iceni-aidd i’r llall, o dro i dro mae un o’r lackeys yn dod a ffaith ffraeth at fy – Ei sylw.
Heddiw, roedd hoff lackey Eich Mawrhydi – does gen eich Brenhines yr un syniad beth yw ei enw, cariad bach – wedi dwyn i fy sylw y datganiad uwch oddi ar wefan http://www.aberystwyth.ac.uk .
Felly, mi rydw i , Buddug, Brenhines yr holl Eiceni yn datgan hefyd, fy mod yn barod i dderbyn y wahoddiad yma, ac felly yn ogystal a dechrau doethuriaeth yn teyrnasu’n deg, mi fydda i yn obeithiol o deyrnasu dros #haciaith eleni. Ac felly hefyd yr holl Brifysgol. Byddaf yn disgwyl gwahoddiad mewn aur wedi ei danfon ar ben eryr yn ystod y dyddiau nesaf. Neu, efallai na fyddaf i yn gallu dod o hyd i geffyl digon chwim i fy nhrosglwyddo o Nawrach* yn fy nheyrnas Eiceni-aidd i Benweddig wedi’r cwbl.
Ysblennydd.
Amser i ymladd.
Ymlaen!
Eich Mawrhydi, yr Hon sy’n Teyrnasu Dros Holl Brythoniaid Gwlad y Brython
Buddug Eiceni
http://www.twitter.com/brenhinesbuddug
ON Bydd rhaid imi ddewis fy…newis gwrs? Pwy gyfieithodd yr uchod i Brifysgol Aberystwyth? Mi ladda i fe. Gallwch chi fyth ymddiried mewn cyfieithydd gyrywol, ferched. Maent yn llawer yn rhy brysur yn meddwl ynglyn a phethau eraill anfoesol.
* Editor’s note. “Nawrach” = Norwich in modern parlance, orig. Nor-Witch in the time of Queen Boedicea, the only true Queen of all of the Brythonic Isles.
panwalescymru 