Adnabod yw cryno ddisg newyd DnA, ac i weud y gwir dim ond y funud hon dwi’n sylw ( drwy “typo!”) fod DnA oddi fewn ADnAbod:
Clyfar iawn!
Dyma’r hyn drydarais yn flaenorol am yr albwm Adnabod :
“Cyfansoddiadau @dnafolk os rhywbeth ymysg traciau cryfaf yr LP #Adnabod @fflachcyf. Da iawn @sienco! @wynlewisjones ”
Mae’r detholiad o felodiau traddodiadol yn cynnwys rhai adnabyddus : “Sosban Fach” ac ambell un sy’n newydd i fi, ac yn llawn bywiogrwydd hefyd.
O ran ymfalchio yn nhalent y teulu o ardal Abertawe, be sy’n fy nghynhyrfu yw eu potensial fel cyfansoddwyr :
mae Angharad a Delyth Jenkins (merch a mam, wrth gwrs!) yn cynnig cyfansoddiadau gwreiddiol sy’n ysgytwol o dda;
ceir enghraifft o ambell un ar YouTube yn barod; chwiliwch am ‘Brandy Cove’; dyma yw ‘Nyth’ :
[wedi ei ffilmio yn ardal Abertawe, cartref y teulu) :
Buais hefyd yn ddigon lwcus i weld y marched yn chware yn eu lansiad yn Rhosygilwen, ble recordiwyd y set ac mi oedd yn noson arbennig o dda, gyda diolchiadau di ri – a storiau difyr tu ol bob melodi – yn dod o’r llwyfan gan gynnwys son am gyfoedion a fu yn ymweliadau a L’Orient [Llydaweg : An Oriant].
Os rhywbeth, garwn i weld fwy byth o gyfansoddiadau gan Jenkins/Jenkins tro nesa – a da yw label Fflach hefyd am gefnogi a galluogi DnA i rannu eu cerddoriaeth o’r un genynnau gyda ni oll.
panwalescymru 